លោក Sri Sri បានបង្កើតកម្មវិធីសិល្បៈនៃការរស់នៅ(The Art of Living)ដែលជាអង្គការអន្តរជាតិមិនរកប្រាក់ចំណេញ តែជាអង្គការដែលផ្តល់ការអប់រំ និងមនុស្សធម៌។ ការអប់រំរបស់កម្មវិធីនេះ និងកម្មវិធីនៃការអភិវឌ្ឍខ្លួនឯង ផ្តល់នូវវត្ថុដែលមានថាមពលដើម្បីលុបបំបាត់ភាពតានតឹង និងជំរុញឱ្យមានសុខុមាលភាពផ្លូវចិត្ត។ ការអំពាវនាវនេះមិនមែនចំពោះតែប្រជាជនក្នុងសង្គមណាមួយទេ ប៉ុន្តែការអនុវត្តទាំងនេះក៏បានបង្ហាញឱ្យឃើញថាមានប្រសិទ្ធិភាពនៅទូទាំងពិភពលោក និងនៅគ្រប់កម្រិតនៃសង្គម។ បច្ចុប្បន្ន កម្មវិធីសិល្បៈនៃការរស់នៅ(ឬ​ The Art of Living) ត្រូវបានផ្តល់ជូននៅក្នុងជាង ១៥០ ប្រទេស។ ក្នុងឆ្នាំ ១៩៩៧ លោក Sri Sri​ បានរួមសហការបង្កើតសមាគមអន្តរជាតិដើម្បីគុណតំលៃមនុស្ស (ឬហៅថា IAHV) ឲ្យចូលរួមជាមួយកម្មវិធីសិល្បៈនៃការរស់នៅ(The Art of Living)ដើម្បីសម្របសម្រួលគម្រោងអភិវឌ្ឍន៍ប្រកបដោយចីរភាព ចិញ្ចឹមបីបាច់តម្លៃមនុស្ស និងផ្តួចផ្តើមការដោះស្រាយជំលោះ។

មេដឹកនាំមនុស្សធម៌ដែលត្រូវបានគេកត់សម្គាល់ កម្មវិធីរបស់លោក Sri Sriបានផ្តល់ជំនួយដល់ប្រជាជនមកពីមជ្ឈដ្ឋានជាច្រើនដូចជា ជនរងគ្រោះនៃគ្រោះមហន្តរាយធម្មជាតិ អ្នករួចផុតពីការវាយប្រហារភេរវកម្ម និងសង្គ្រាម, កុមារមកពីតំបន់ប្រជាជនដែលបាត់បង់ឱកាស និងសហគមន៍ដែលមានជម្លោះជាដើម។ ឥទ្ធិពលនៃសាររបស់គាត់ បានជម្រុញឲ្យមានរលកសញ្ញានៃសេវាកម្មដោយផ្អែកលើកម្លាំងចិត្ត តាមរយៈក្រុមអ្នកស្ម័គ្រចិត្តមួយក្រុមធំដែលកំពុងដឹកនាំគម្រោងទាំងនេះឆ្ពោះទៅមុខនៅក្នុងតំបន់សំខាន់ៗជុំវិញពិភពលោក។